اجمل صفحه مكتوبه باجمل قلم وردى

كان لازم الفراق.......لأنه كان أصعب حب
ياترى فاكرنى بالخير.....ولا كنت ماضى وأتنسى
يا ترى بتسهر كل ليله...بتبص عل قمر مين!!!
يا ترى أنا موجوة فى صفحة ذكرياتة....ولا كنت صفحة بيضة من غير كلام

ولو كنت فى صفحة ذكرياتة......يا ترى كاتب فيها أية!!
كتب فيها
أنها الحلم اللى أتمنيته
أنه مش عايش وأن قلبه داب من الفراق
أنها كانت نبض قلبه
ولا أنها كانت حكاية أنتهت من غير بداية

ولا يكون كتب نفس اللى أنا كتبته فى صفحة ذكرياتى
كتب أنى أجمل ذكرى صعب أنه يمحيهاوأن حبها خيال
كتب انى كنت أمله فى الحياة ونبع تفاؤله وأنها أول مرة

يا ترى بعد ماكان أصعب وحب ولازم الفراق
ياترى ضاف أية فى صفحة ذكرياتة
كتب أن نسيانها صعب أكيد
كتب أن قلبه مجروح ومحتاج للى يداويه

ولا تكون يا قلبى أنتا اللى مجروح......وشايف كل القلوب مجروحه
ولا يكون يا قلبى كل دة وهم......وتكون فى ذكرياتة صفحة بيضة

هو كدة يا قلبى كنت صفحة بيضة

أما عن صفحة ذكرياتى فهتبقى سر بينى وبين قلبى
هتفضل طول عمرها مكتوبة بأجمل قلم وردى
وهتفضل عينى تدمع لذكراك
وهيبقى وادى حال قلبى عاشق وشايل أجمل كلام
وهتفضل أيدى ممدودة للسما وداعيلك بالخير

عارف دة كله ليه..لأنك ضفت فى ذكرياتى أجمل صفحة مكتوبة بأجمل قلم وردى